Lyngheisenteret på Lygra i Nordhordland er eit informasjonssenter om kystlandskapet.
Her kan du vandre på tilrettelagde stiar i eit historisk landskap slik det har vore på kysten i 5000 år.

Senteret er etablert i nært samarbeid med dei lokale grunneigarane. Dei held det vakre kulturlandskapet på Lygra i hevd gjennom aktiv gardsdrift på tradisjonelt vis med beite av utegangarar (villsau), lyngbrenning og slått. Samstundes er heile utmarka tilrettelagt for friluftsliv, m.a. gjennom eit omfattande system av idylliske turstiar

Lyngheisenteret er i dag den einaste staden i Europa der du kan oppleve autentiske lyngheier drivne av lokale bønder, og som samstundes er tilrettelagt for publikum.
Lyngheisenteret fekk i 2001 UNESCO sin globale kulturlandskapspris for arbeidet med å verne kulturlandskapet.

I 2005 vart Lyngheisenteret tildelt Eruoparådet – Europa Nostra sin kulturlandskapspris, ‘for its pioneering role in the protection of authentic heathland, and the maintenance of its biological diversity and traditional knowledge’
EUROPANOSTRA

Organisasjon
Lyngheisenteret er ei halvoffentleg stifting som vart oppretta i 1999. Stiftarane er:
Hordaland fylkeskommune
Universitetet i Bergen
Lindås kommune
Grunneigarane på Ytre Lygra
Regionrådet i Nordhordland og Gulen
Nordhordland handtverk- og industrilag

Museumssenteret i Hordaland
Lyngheisenteret vart i 2007 konsolidert saman med Museumssenteret i Salhus. ( Skifta namn til Museumssenteret i Hordaland i juni 2008))
Drifta av Lyngheisenteret er difor overført til Museumssentert i Salhus.Stiftinga Lyngheisentert er no ei eigedomstifiting.

Informasjonsbygget er det einaste huset på Lygra som har kome til som eit nybygg gjennom Lyngheisenteret. Det er eit heilt moderne bygg, men med element frå tradisjonell byggeskikk.

Her er Matstove med vakker utsikt til fjorden (70 pers), møterom/klasserom (30 pers), auditorium med moderne fasiliteter (70 pers) og utstilingslokale. Huset kan leigast til kurs og konferansar og er eit veleigna selskapslokale.

Maten
Sjølvsagt må du ha ein matbit når du vitjar Lygra! I Matstova har vi alt frå ferske vaflar til lunsj og middag.

Spesialiteten vår er villsau, som vert servert i ulike variantar. Her kan du feire både bryllup, åremålsdagar, julebord og andre arrangement. Vi har alle rettigheter.

Vi har gode lokaler for møter, konferanser og selskap.
Eit ope kulturlandskap, frisk god nordavind, villsauer og lyng, fjord og fiske,
fine turstier og kulturformidling. Kun 40 min med ekspressbåt frå Bergen

Lyngheisenteret har eigen kokk som serverer mat
basert i størst mogelg grad på lokale råvarer.

Spesialiteter
– Villsau frå Lygra
-Vestlandsk Fjordfe frå Havråtunet
– Økologiske poteter, grønnsaker og egg
frå Luregarden

Transport:
Frå Bergen ( Strandkaien). kl. 8.00 kvar dag
45 min med ekspressbåt ( Fjord1)
Ei vakker sjøreise gjenom den Indre Farleia mot Sogn.
Med bil frå Bergen sentrum tek det ca 1 time.

Museumssenteret i Hordaland
Avdeling: Lyngheisenteret
Ytre lygra
5912 Seim
56 35 64 10 / 93 23 70 90
www.lyngheisenteret.no
post@lyngheisenteret.no
http://www.facebook.com/home.php?#/group.php?gid=18526840665&ref=mf